Alexander episcopus servus servorum dei dilectis filiis magistro et fratribus hospitalis sancte Marie Theutonicorum Ierosolimitani salutem et apostolicam benedictionem. Sincerissime devotionis obsequium, quod deo redemptori nostro domino Ihesu Christo ferventer impenditis, ut apud ipsius clementiam vobis celestis patrie gloriam acquiratis, benignitatem sedis apostolice promptam et facilem reddit ad omnia, que cordibus vestris affectionis sancte proferant incrementa. Cum itaque, fili . . magister, ad generale tui ordinis regimen secundum instituta rpsius de novo, prout accepimus, sis assumptus1, nos dignis laudibus id in domino commendantes universitati vestre firmam de vobis volumus adesse fiduciam, quod vos in Christo paterna caritate complectamur, et gratioso favore prosequi assidue delectamur. In cuius rei signum vobis de speciali gracia indulgemus, quod fratri Popponi quondam magistro vestro seu cuicumque preceptori vel fratri ordinis vestri de prelatura seu dignitate aut •

officio vel baliva seu domo aut de quibuscumque bonis eiusdem ordinis per litteras sedis apostolice seu legatorum eius impetratas vel de cetero impetrandas inviti non teneamini providere. Irritum etiam et inane decernimus, si quid contra tenorem ipsius indulgentie fuerit attemptatum. Nulli ergo omnino hominum liceat hanc nostre concessionis paginam infringere vel ei ausu temeario contraire. Si quis autem hoc attemptare presumpserit, indignacionem omni- potentis dei et beatorum Petri et Pauli apostolorum se noverit incursurum. Datum Viterbii v idus augusti pontificatus nostri anno iii.

Sine dato: II, 117v. n. 73. — Cum dato: A. 16 p. 45 „Baruli"; p. 11 „Venetiis" in trans- sumto 1346 Venetiis facto.