Alexander etc. magistro et fratribus etc. Ante oculos mentis nostre1 habemus cotidie necessitatem maximam terre sancte. Non enim possumus nec debemus casus ipsius miserabiles oblivisci et ideo ad devotionis vestre fervorem, cum pro subventione terre predicte nec personis vestris parcatis nec

rebus, sicut est hoc tempore oportunum, debitum respectum habentes dignis vos laudibus exinde commendamus. Quia vero, sicut eiusdem terre negocium maius subsidium exigit et vos" ei habundantius subvenire3, sic ampliorem promeremini dilectionis4 graciam et favorem, cum ita viscera pietatis et com- passionis expandatis ad dictum negocium, ut a nobis et aliis vos oporteat ad tante caritatis opus liberaliter adiuvari, iura vestra5, quantum nobis gracia divina concedit, integra et inconcussa servare proponimus et vobis benignitatis nostre habundantiam in benedictionibus dulcedinis exhibere. Quapropter, dilecti in domino filii, quieti et tranquillitati vestre providere volentes auctoritate vobis presentium vestris inclinati supplicationibus indulgemus, ut archiepiscopi et episcopi et alii ecclesiarum prelati in vestris, quas habetis et tenetis, ecclesiis salva procuratione, si qua debetur eisdem, eo tantummodo sint iure contenti, quod ipsi et predecessores eorum a vobis et predecessoribus vestris noscuntur hactenus habuisse. Quodsi amplius ex dictis ecclesiis petere vel extorquere contenderint, vobis id liceat auctoritate sedis apostolice denegare super hec coram nobis exhibere paratis iusticie complementum. Nulli ergo etc. Si quis autem etc. Datum Laterani vi idus aprilis pontificatus nostri anno secundo.

Sine dato: II, 118 n. 74. — Cnm dato: A. 16 p. 24 ex instrumento Venetiis asservato d. d. Padua 1349 mense ianuario facto et a tribns notariis subscripto. 1. pro mentis nostre:

nostros A. 16. 2. exigit vos A. 16. 3. subvenitis A. 16. 4. dilectionem II. 5. vita nostra II.