Innocentius episcopus servus servorum dei dilectis filiis magistro et fra- tribus hospitalis sancte Marie Theuthonicorum Iherosolymitani in Accon sa- lutem et apostolicam benedictionem. Ea, que iudicio vel concordia terminantur, firma debent et illibata persistere, et, ne in recidive contentionis scrupulum relabantur, apostolico convenit presidio communiri. Sane in causa, que inter vos ex una parte et nobilem virum Aymericum Barlays Acconensis diocesis super casalibus Arabie et Zachanim ad vos spectantibus, quibus idem nobilis vos contra iusticiam spoliari procurans ea detinebat in vestrum preiudicium oc- cupata, et rebus aliis ex altera vertebatur, dilectum filium nostrum O(ttobonum), sancti Adriani diaconum cardinalem, dedimus auditorem, qui cognitis eiusdem cause meritis et relatis fideliter coram nobis, ac procuratoribus utriusque partis presentibus dictum nobilem ad restitucionem dictorum casalium et fructuum exinde perceptorum vobis per diffinitivam sentenciam ac pro expensis in lite factis taxacione prehabita et iuramento a procuratore vestro prestito in certa summa pecunie condempnavit, prout in patentibus litteris cardinalis eiusdem

confectis exinde ac1 suo sigillo signatis plenius continetur. Nos itaque vestris supplicationibus inclinati sentenciam ipsam proinde latam ratam et firmam habentes eam, non obstante partis adverse ad nos ab eadem sentencia inter- iecta appellationequam velud frivolam non duximus admittendam, auctori- tate apostolica confirmamus et presentis scripti patrocinio communimus. Teno- rem autem litterarum ipsarum de verbo ad verbum presentibus fecimus anno- tari, qui talis est: (sequitur n. 106). Nulli ergo omnino hominum liceat hanc paginam nostre confirmacionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Late- rani iii° kalendas marcii, pontificatus nostri anno ut supra.

E copiario A. 16 Regimontani archivi p. 30 sq. inter Veneta mecum communicavit v. cl. A. Meckelburg. 1. a A. 16. 2. suppletum.