Wir Ulreich, von gots gnaden herczog ze Kernden und her ze Krain, tun kunt, das wir die Tawtschen herren in unser herschaft ze Kernden und

auf der Marich also in unser sunder gnad genomen haben, das sy von chainen unsern lawtten, wie sy genant sein, chain beswerung leyden sullent, wann in durich die erberchait irs lebens pillich wirdigkait ist zw erbietten, daruber all ir lewtt, holden oder aigen lewtt, die si habent oder gewinnent1, die in zu recht zugehorent, sullen von unsern richtern, urtailern, schergen und ampt- lewtten frey und unbekumert sein, und wellen, was widermut, mishellung oder annder sach und chlag under iren lawtten aufderstett, daz das des haws con- mentewr oder der, dem er sein stat empholhen hat, pilleich straffe und pesser, und sullen unsern richtern nichts uber solich sach chainen weis antwurtten. Wir wellen auch, wer ab dem lannde hincz irn lewtten mit rechter beschaiden- hait ze chlagen hat, das der gee zw unsern richtern und vorder das recht und die, die von denselben werdent geladen, die sullen mit irs hawscom- mentewr poten erscheinen und vor unsern richtern antwurtten umb das man im zwspricht; noch zw anndern taidigen oder gerichten sol man sy furbas nicht vordern. Daruber das alle pose ansuchung unser richter ganczlich ab- sey, wellen wir, das alle wandel der vorgenanten briider liiwt, die uns oder unser richter angehent3 sein, des commentewr noch das unser richter pey unsern gnaden das getflrren widersprechen. Von der gnad sind ausgenomen, die mit gericht zw dem tod sind ze verdampmen, also das alles ir gut und ir erbe den brudern beleibe, aber den schuldigen sullen sy mit iren schergen ploz als in die gurttel begriffen hat, ze richten unsern richtern antwurten. Darzu zw ainer uberfliizzigen gnad wellen wir, welicherlay ding oder tyer man denselben briideren durich unser marcht und unser mawtstettten ffirt zw irem nuez und choste, das man das die bruder oder ir poten in unser her- schaft frey lasse durchfurn oder gen an mwt und an zol. Wir wellen auch, das chainer, der durch sicherhait in der vorgenanten bruder haws flewcht, von niemant werde gelaidigt. Ob auch das war, das er ain todslag begangen hat oder ein so grofse missetat, die des leibes verdampnusse zubringt, daruber durich des ordens erberchait alle unczucht oder ubergeng, so ir hawsgesind tuet oder beget, emphelhen wir dem commentewr und den briidern nach ir beschaidenhait ze pessern.

VI, 359. Versio. Continetur in n. 187. 1. gewinnet B. 2. angehernt B.