Wir Ulreich, von gots gnaden herczog in Kernden und ze Krain, tun kundt, das wir den brudern des Tewtschen haws, den wir haben wanung gegeben ze Laybach, alle recht und freyung, die sy in andern stetten oder anderswo habent, an minnrung wellen behalten, und gepietten gemainchleich unsern lanntrichtern, marchtrichtern, schaffern und schergen, das chainer von irem gesind oder ir lewt, die in zugehorent, umb chainerlay sache, die di rache des todes nicht angent, sullen richten; ausgenomen, ob yeman irs gesinde oder ir lawt yemant laidiget oder gelten solt, so sol unser richter oder schaffer mit im nemen den gelaydtigten oder den, dem man des gelts schuldig wirt, als die sache ist, und in der bruder haws gen ainem und dem andern das gerichte und die gerechtichait ze vordern; dem sol der schaffer oder des haws comen- tewr, uber das furgelegt oder das furzelegen wirt, ein zimleich pessrung und recht tun. Ob aber yemant der vorgenanten brueder lewt oder gesind tief tut oder ander unfug als grofse, dadurch der dyeb oder ubeltetter wirt ze verdampnen, so sol sein gut alles beleiben dem haws und sol man in plos unserm lantrichter oder marchtrichter geantwurten; uber den sol dann der richter nach der urtail des rechten richten. Ob auch unser richter auf iren guttern ettleich dieb vindet, die sol er chainen wais nemen nur zegegen irm sundern poten, das die andern gut um solich dief dem haws nicht werden entfueret.

VI, 358 v. Vcrsio. Continetur in diplomatc Albcrti Austriac ducis de 1350 iulii 13 n. 186.