Wi Eric van Godes gnade hertoghe van Sassen de junghere. Bekennet in desser ieghenwordeghen scripht ¡I vnde tughet opembare, dat wi mit bescedenen mannen, den ratmannen der stat tû Lubeke ghede;|ghedinget hebbet vnde des gantzlike

mit en en worden sint, dat wi en vmme ere helpe, de se vs ¡j don vor déme hus tû Lassan, scolen mit aller macht helpen weder stan alle veyde, allen ummût vnde alle de stucke, de se vnde ere stat dor der helpe willen anuallen nioghen van vorsten, heren, ridderen, knapen vnde van ieneghem manne, vnde er nymmer af stan en willen, se en hebben der stucke ene gantze vullenkomene soné. Dat hebbe wi en ghelouet, vnde loued et en in desser ieghenwordeghen scripht bi vsen tru- wen, alse wi des tu ener opembaren betughinge vse ingheseghel hebbet laten ghe- henget tu dessem breue. Ghedeghedinget vnde gheuen na Godes bort dusent drehundert in deine vyf vnde vierteghesten iare, des Manendaghes vor synte Vites daghe.1

Nach dem Originale, auf der Trete, mit anhängendem wohl erhaltenen Siegel.