Wir Offel und Ernst von Savraw veriehen an disem prief und tun chunt allen den, di in sehent oder ho/erent lesen, daz wir mit gutem willen uns verzigen haben und gestanten sein von allem dem reht und von aller der ansprach, di wir haben gehabt oder di uns dauhten fu/egen an der alten purch ze Mosheim und haben di selben purch unserm liben herren bischolf Chunraten von Saltzburch und sinem gotshous ledichlichen aufgeben; daz ouch wir willichlichen von der ansprach sein gestanten und ouch durch unsers dienstes wille, so geit uns der vorgenant unser herre fumfzich march Frischer pfenning. Daruber so gib ich Offel fur mich und fur meinen bruder Ernsten disen prief mit meinem insigel und mit unsers herren bischolfs Hainrich von Lauent, mit Rudolfs des ritztums von Frisach, mit Ortleins von dem Altemhous und mit Nicolas von Stadaw insigel versigelt ze ainem waren urchunde. Des sint gezeug bischolf Heinrich von Lauent, Rudolf der vitztum ze Frisach und Ditzzel von Pux. Diser prief ist geben ze Frisach, do von Christes geburt waren tousent iar zwayhundert iar in dem fumf und neunzigistem iar, an dem ebenbeyhtag.||
S.^a) S.^b) S.^c) SD. S.^d)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 220.