[5. Januar 1417]

[1] Item fuerunt tres congregationes facultatis super isto articulo, an facultas medicine absolute et simpliciter sine relatione compromittere vellet in duas facultates predictas. Et numquam concludi potuit quod sic, sed solum cum relatione etc.

Postea tamen propter certa motiva, scilicet ad acquirendum favorem aliarum facultatum, si causa umbquam alibi, scilicet ad principem devolveretur etc., facultas medicine compromisit simpliciter et sine relatione in facultates prefatas, quod tamen facultas iuris etiam ad instantiam domini prepositi ad sanctum Stephanum facere recusavit.

Quare conclusum fuit in una alia congregatione facultatis, quod decanus cum magistro Iohanne Aygel concipere deberent motiva facultatis sub forma et stilo competenti et quod tota facultas principem accederet causam suam proponendo, de qua per plures annos in universitate finem habere nequivit, rogando gratiam suam, ut cum consilio suo finem imponere dignaretur.205

Cuius conclusionis prefate facultatis facta est executio bis, verum magister Iohannes Rokk, dominus doctor et protunc rector, ab eadem facultatis conclusione appellavit neque cum aliis doctoribus principem accessit, allegando, se esse personam communem, quia rectorem, quasi non deceret etc.

Item plures fuerunt congregationes facultatis in eadem causa et plures sollicitationes domini cancellarii principis et aliorum officialium, ex causis tamen protunc finis non potuit haberi etc. [fol. 26v]206