[12. April 1418]

[1] Anno eodem die 12^a mensis Aprilis in plena congregatione doctorum facultatis receptus est ad facultatem egregius vir magister Michael Falkonis, magister in artibus, decretorum baccalarius et doctor medicine Montis Pessulani etc. et secundum formam statutorum solvit solvenda et etiam iuravit et promisit facultati, omni dolo et fraude postpositis,225 quod quanto citius posset, vellet et deberet²²⁶ litteras promotionis sue ad facultatem producere et ad hoc assignatum fuit sibi spatium sex mensium227 et228 hoc, si essent in rerum natura vel si, spolio non interveniente, salve possent huc pervenire.

Qui tamen infra - ut sequitur vertendo folium - [fol. 29v] qui infra spatium sex mensium adduxit litteras promotorias suas sufficientes, tam videlicet licentiature quam etiam doctoratus et hoc de bene esse, cum secundum formam statutorum facultatis sufficisset sibi una probatio per iuramentum proprium, per fidedignos testes aut per litteras testimoniales, sed ad hoc, ut in luce appareret, tam iuramento quam litteris desuper confectis voluit ambobus certificari, nec tamen voluit super hoc astringi, cum dixit se ignorare, an littere essent rapte, an combuste, sed tamen sine fraude, si posset eas habere, dummodo alia haberet disponere in domo sua, animo voluntario etiam committeret, ut eedem aducerentur, sicud factum fuit. De quibus quidem litteris bene contenti fuerunt.229 [fol. 31r]230

Registrum pro licentiatis