[30. Mai 1421]

[1] Ich maister Cristan von Sust, lerer der erczney, dieczeit techant der gemain der lerer der erczney vnd alle lerer der selben gemain bekennen, als der ersam maister Niclas vo n Hebersdorff lerer der erczney guter gedechtnus vnder ander seynen geschefft, so er getan hat, vnser vorgenanten gemain geschaft hat sein haus gelegen in der weyhenpurgk ze Wienn vnd alle seine pucher, di er seinen ghescheffthern hat bevollen vns inzeantworten, das vns der ersam maister Bertholt Starkch von Pasel,

die czeit des hochgeporn fursten herczog Albrechts cze Osterreich etc. puchartzt, des vorgenanten maister Niclas geschefftherr, die selben pucher ingeantwort vnd das benant haus vbergeben vnd benuchleich gentzleich gemachet hat, dar vmb sagen wir in vnd sein erben fur vns vnd vnser nachkomen des selben haus vnd pucher gans quit vnd ledig mit vrchunt des priefs besigelten mit der obgenanten gemain aufgedrukchten insigel. Geben cze Wienn an freytag nach sant Vrbanstag nach Cristi gepurd virczenhundert vnd in dem ains czwanczigesten iare.310 [fol. 39r]311