[28. Juni 1422]

[1] Item 28. die Iunii facta est congregatio facultatis super articulis infrascriptis.

Primus, cui facultatum, theologie vel iuris canonici, clavis ultime reserationis arche universitatis sit donanda.

Placuit facultati, quod recto ordine et iusto ista clavis danda esset theologis.

[2] Secundus, ad cogitandum de tenore littere super testatione domus facultatis, quam magister Bertholdus paratus esset sigillare.

Placuit doctoribus, ut prius attemptarem, an dominus abbas Scotorum vellet domum inscribi libro fundi, tunc hoc sufficeret; verum si aliquis notabilis vellet consigillare [fol.

41v] super prefata domus testatione, tunc deberet confici littera de comuni forma. [3] Tertius, ad deputandum aliquem, qui emeret lignum pro constructione canalis. Deputatus est magister Iohannes Aigel, qui assumpsit onus emendi lignum.