Universitätsarchiv Wien, UAW Cod. Med 1.1 AFM 1399-1435
[14. April 1423]
[1] Anno domini 1423 in die sanctorum Tyburtii et Valeriani electus est in decanum facultatis medicine magister Cristannus de Susato, artium et medicine doctor.365
[2] Nota quod cives post assignationem domus magistri Nicolai de Hebersdorff pie recordationis facultati medicine factam per eiusdem magistri testamentarios, site in platea dicta Weygenburg prope monasterium monialium appellatum Hymellporten, per suos instabant nuntios cum frequentia steuram de predicta domo habere in effectu. Quapropter congregatione facta facultatis medicine, cui universitas pro illius domus libertatione asstare noluit, secundum quod alia collegia et domus alie universitatis Wiennensis existunt libertate, decrevit facultas in congregatione eadem cum civibus pactum de annuatim dando facere,366 sic tamen, quod illo dato domus prefata de aliis exactionibus et impetitionibus, que forte per amplius civitas facere conaretur, ex toto esset exempta. Et protunc Holtzzler magister civium facultati
notificavit, ut367 cives unam libr. den. annuatim recipere vellent sub conditione pretacta.
- Acta Facultatis Medicae Universitatis Vindobonensis Vol. 1, Karl Schrauf, 1894
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
