[1. Oktober 1428]

[1] In decanatu magistri Cristanni anno domini etc. 28^a in die sancti Remigii facta est congregatio facultatis ad terminandum locationem domus nostre et decanus fuit motus ad hunc articulum ex hoc, quia in quadam congregatione noviter ante hanc481 habita, magister Petrus Volcian medicine doctor petiit humiliter sibi locari domum eo modo,

sicud fuit locata domino Iacobo canonico ad sanctum Stephanum, fratri Oswaldi scriptoris hubarum. Magistro Petro, exeunte tempore deliberationis, proposuit magister Iohannes Pawmgartner482 medicine doctor, quia ipse esset doctor regens et cum hoc esset in doctoratu senior magistro Petro Volcian, unde appareret sibi rationabilius esse, quod ipse eam inhabitaret quam alias non talis, verum non petivit protunc nec post,

ut facultas sibi eam locaret. Postulata fuerunt per decanum vota protunc presentium et collectis votis unum fuit datum pro magistro Iohanno Pawmgartner, et ipse pro se ipso implicite dedit votum, et duo vota fuerunt pro magistro Petro Volcian. Tunc magister Iohannes Aygl et magister Iohannes Pawmgartner dixerunt, quod esset conclusio facta in quadam congregatione facultatis, quod seniori doctori deberet domus locari, si et inquantum ipse vellet eam inhabitare; sin autem, quod tunc seniori

post illum et sic descendendo. Quare decanus protunc non voluit concludere et respectis actis per decanum non fuit inventa talis conclusio, sed quod facultas potest locare cui placet secundum quod videbitur sibi expedire. Ad idem sonat illud, quod habetur anno

24^o in decanatu magistri Iohannis Pawmgartner483 medicine doctoris conclusive in fine secundi articuli congregationis per ipsum facte 28^o die mensis Augusti, quare in congregatione ista, scilicet facta in die sancti Remigii, per pluralitatem vocum fuit per decanum conclusum, quod magister Petrus deberet inhabitare domum, sed ad quot annos, non fuit expressum. Presentes fuerunt magister Iohannes Aygel, magister Seboldus, magister Iohannes Pawmgartner, magister Tydmarus, magister Erasmus medicine doctores et magister Cristannus protunc decanus facultatis medicine.484 [fol.

54r]485