[25. November 1428]

[1] Item in die sancte et eximie virginis Katherine congregata fuit facultas medicine ad expediendum articulos infrascriptos.

Quorum primus est ad audiendum quadam [!] propositionem dominum principem concernentem. Proposuit facultati magister Heinricus Stoll, quomodo dominus dux esset in Tulna et libenter iter arriperet versus Wyennam, si et inquantum facultas medicine suaderet, quam prescriptus magister Heinricus deberet habere consultam.

Et ratione pestilentie in Wyenna tunc comperte, placuit facultati, quod domino principi nec deberet suaderi nec disuaderi propter certa motiva hinc inde recitata, sed

dominus princeps responsum non expectans ad Wyennam venit, priusquam significatio rei istius esset facta etc.

Autograph des Erasmus Rieder.

[2] Secundus articulus ad recipiendum computum a magistro Heinrico Stoll, qui et receptus fuit et idem tunc487 presentavit decano pro tempore viginti flor. valoris sufficientis et 45 den.

[3] Tertius articulus ad cogitandum, quid facultati expediat ex parte officii bedellatus. Proposuit tunc decanus, quomodo Petrus, qui fuit longo tempore bedellus facultatis, peteret ulterius continuari; que petitio non fuit exaudita. Item petivit Nicolaus, facultatis theoloice bedellus assumi, si facultas theologie consentire vellet, quam primo vellet habere requisitam.

Placuit facultati, quod [fol. 54v] in congregatione facultatis proxime habenda deberet petere, si sibi placeret, et protunc facultas vellet deliberare super isto. Item tres lib. den. sunt presentate decano ex parte census domus facultatis, qui debuit dari circa festum sancti Michaelis.