[18. Januar 1430]

[1] Item decimaoctava die mensis Ianuarii fuit congregata facultas super hiis512

articulis.

Primus ad cogitandum, quid circa suplicationem domini rectoris et aliorum dominorum doctorum fieri expediret, et fuit suplicatio ista, quod facultas propter bonum pacis et maiorem unionem facultatis cum suis suppositis et propter preces eorum dignaretur parcere magistro Iohanni de Pawngarten de isto, quod deliquit contra facultatem vexandum et tribulandum eam in consistorio rectoris, in universitate et alibi et suos doctores, et esset contenta in hoc, quod ipse magister Iohannes suplicaret facultati et dominis doctoribus lesis per eum in presentia domini rectoris et dominorum doctorum, videlicet magistri Nicolai de Dinkelspuel, magistri Chunradi de Halstat.

Et conclusum fuit per facultatem, quod facultas vellet exaudire suplicationem istam, isto adiecto, quod magister Iohannes humiliter petat veniam a facultatis [!] et suis doctoribus in presentia domini rectoris [et] domini decani facultatis theologie, qui suos doctores ad hoc vocare deberet, et in presentia decani facultatis iuris, qui simili modo suos deberet vocare doctores et in presentia domini decani facultatis artium cum duobus senioribus magistris suis.

Item petivit etiam dominus rector, quod attentis pluribus facultas dignaretur ex sua legalitate et libertate ad annum futurum magistro Iohanni locare domum.

Et conclusit facultas, quod decanus diceret rectori, si magister Iohannes humiliter peteret veniam modo quo supra et postea se bene haberet in facultate, quod facultas vellet in eo facere ut mater in filio, non volens se tamen ad aliquid astringere. [fol.

57r]513

[2] Item articulus secundus fuit ad audiendum modos de modo deliberandi in congregatione universitatis conceptos per deputatis [!].

Et placuit facultati tertius modus, qui habetur in cedula.

[3]Tertius articulus fuit ad providendum certis respicientibus honestatem et necessitatem facultatis et fuit ibi motum de stipendio arrestato dominis doctoribus nostre facultatis et nichil fuit conclusum.

[4] Similiter motum de bedello et dedit facultas sibi mediam libram den.

[5] Tactum etiam fuit de patrono eligendo et ex parte festi semel in anno peragendi ad instar aliarum facultatum et fuit suspensum.514