[13. Oktober 1434]

[1] Item anno domini M^oCCCC^o 34^o congregata fuit facultas in die beati Cholomanni martyris ad eligendum novum decanum et electus fuit magister Iohannes de Pawmgarten, artium et medicine doctor, cui precedens decanus eodem die presentavit ladulam facultatis cum contentis in eadem, videlicet librum statutorum, Actorum, sigillum facultatis et cetera ibidem contenta.

[2] Item die eodem, facto computo per precedentem decanum in presentia magistri Michaelis Schrikch, Nicolai de Fridlant et decani novi, doctorum facultatis prescripte. Et deductis expositis tempore sui decanatus remanserunt sex flor. ungaricales et una lib. den. et 3 den. in minuta pecunia, quam pecuniam simul cum florenis presentavit novo decano.