[30. Dezember 1411]

[1] Die 30. mensis Decembris magister Nicolaus de Hebersdorff fecit rationem de perceptis et expositis in suo decanatu et remansit sibi facultas obligata 5 sol. et 6 den. Et dedi sibi 1 flor. et michi restituit 4 den.

Item protunc exposui 3 den. et obol. pro vino. [fol. 15r]108

Item postea fuerunt due congregationes facte ad instantiam magistri Iohannis de

Newnburga et in qualibet exposui gross. pro vino et circulis. Item exposui pro vino 7 den. in electione decani novi.

[2] Nota isti articuli subscripti, super quos fundatur privilegium facultati medicine concessum a venerabili patre et domino Georio dei et apostolice sedis gratia episcopo Pataviensi contra practicantes in medicina aut cum medicinis non approbatos per facultatem huius universitatis, fuerunt publicati ad Minores in die Palmarum anno 1412 ^o, que fuit 27^a die mensis Martii [1412], et ante, puta 25^a die eiusdem mensis [1412] ad sanctum Stephanum, et in die Cene109 posthoc ad sanctum Michaelem:

Nullus cuiuscumque conditionis, sexus aut gradus existat, sive talia sit doctor vel baccalarius vel apothecarius vel cyrurgicus, non phisicus, vir vel mulier aut iudeus, practicet cum medicinis vel tamquam medicus, nisi approbatus sit per facultatem medicine aut alias secundum tenorem privilegii auctoritatem habeat.110

Item quod nulla res venenosa seu periculosa particulariter vendatur sicud est arsenicum et sicud sunt multe radices et semina, que ab herbulistis venduntur, nisi ab apothecariis, qui tamen huiusmodi non debent vendere, nisi illorum malitia et venenositas sit ita correcta, quod humanis corporibus non possint facere nocumentum.

Sub pena excommunicationis late sententie.111 [fol. 15v]