[15. März 1404]

[1] Die36 sabbati immediate sequenti examinatus fuit magister Wentzeslaus Hart dictus pro gradu baccalariatus et fuit admissus, postquam iuravit de novo et confirmavit iuramentum, quo prius iuravit facultati, scilicet quod ipse per duos annos integros audire debet omnes doctores legentes in facultate medicine cum libris apertis in scolis habitis secundum formam statutis. Iuravit etiam, quod non practicet Wienne nec in suburbiis Wiennensibus sine licentia totius facultatis. Item iuravit quod si infra predictos duos annos de Wienna recederet ad aliud studium vel causa practice in medicina alibi habitaturus, quod postmodum ipso redeunte Wiennam ad facultatem non recipiatur, quamvis etiam alibi gradum acceptasset. Hanc penam acceptavit et iuramento confirmavit observandam.

Et hoc decretum super penam nunc expressam domini doctores etiam ad alios statutorum transgressores voluerunt extendi. [fol. 3v]

[2] Diligenter etiam et studiose mota est in congregatione facultatis materia de apotechariis et empiricis et aliis non legittime practicantibus in medicina.

Et per omnes doctores consultum est de remedio apponendo, prout expedit honestati facultatis et utilitati rei publice etc.

[3] Honorabilis doctor magister Iohannes de Sancto Ypolito tenetur facultati nostre ducat. 4.37

Etiam ego Nicolaus de Hebersdorf teneor facultati ducatis 4 et lib. 1 den., quorum ducatorum unum recepi ab Hartmanno de Fridberg, de [!] secundum recepi a magistro Andrea Purnitzer etc., duos autem alios recepi a magistro Friderico de Drosendorf bone memorie; sed unam libram den. recepi a magistro Galeatz de Sancta Sophia de denariis collectis in anathomia, nec habui plus ab eo.38

Sed a magistro Wentzeslao nihil habui, cum facultas deberet habere unum ducatis [!] vel habuisse, antequam daretur sibi gradus secundum formam statutorum et ergo recepi. Ipse solvit 5 sol. [fol. 4r]