[19. Dezember 1452] Item 19. die mensis Decembris congregata fuit facultas ad deliberandum super articulis infrascriptis, quorum primus fuit321 ad audiendum supplicacionem quatuor baccalariorum in medicina petere volencium, quatinus domino cancellario universitatis studii Wyennensis pro admissione licencie in eadem presentari dignentur et fuerunt isti: Mag. Marquardus Froer de Weissach, Mag. Thomas Mestlin de Ersingen, Mag. Caspar Fru de Tetnang, Mag. Seboldus Mulner de Nurenberga. Et fuerunt presentati et examinati presentibus domino vicecancellario, scilicet Mag. Cristanno de Huriben, arcium et sacre pagine professore eximio nec non decano ad sanctum Stephanum, Pangratio Kreuczer de Traisenmawr322, decano indigno, Petro Wolczian de Wyenna, Michaele de Schrikch, Iohanne Czeller de Augusta, Martino Guldein de Weissenburg323, Iohanne Newman324 de Praunaw, arcium et medicine professoribus, et per eosdem sufficientes reperti sunt et ydonei et consequenter admissi.

Secundus articulus fuit ad audiendum peticionem duorum scolarium in medicina volencium petere admitti ad examen pro gradu baccalariatus in eadem. Et fuerunt isti: Mag. Berenherus Wolfflin de Rotenburga, Mag. Stephanus Pernolt de Gredig, et per prefatos doctores in medicina examinati et ydonei reperti et ad determinandum admissi.

Item prefati duo magistri ante determinacionem suam presentaverunt decano 2 flor. Ungaricales. Item Mag. Seboldo habito examine iniunctum fuit sibi, quod non reciperet insignia doctoralia a 22. die mensis Decembris per annum.