[18. April 1460] Item 18. die mensis Aprilis, scilicet feria sexta post festum sanctorum Tyburcii et Valeriani, congregata fuit facultas ad deliberandum super articulis tribus infrascriptis: Primus ad acceptandum bedellum514. Nam multi baccalarii et simplices et aliqui armatis precibus petiverunt doctores facultatis pro officio bedellatus, postquam Georius Popfinger de Nordlinga illud resignavit in die sanctorum Tiburcii et Valeriani coram tota facultate. Item eodem die receptus fuit in bedellum Conradus Kelerman de Nurenberga cum tali condicione, quod facultas medicine habeat potestatem recipiendi alium, quando placuerit.

Secundus articulus ad recipiendum computum a decano precedenti. Quod factum fuit, et facto computo remanserunt in archula minori 19 flor. Ungaricales, sed 1/2 libra den. Mansit in mayori ladula. Item debita: Mag. Martinus Guldein obligatur facultati 5 flor. Ungaricales.515 Item Georius Popfinger de Nordlinga obligatur 2 flor. Ungaricales pro 7 libr. den. Item dominus doctor Kirchaym obligatur 6 sol. den.

Tercius articulus fuit ad locandum domum inquilino domino doctori Mag. Conrado de Muldorf pro futuro anno, quod incipit in die sancti Michahelis proximo futuro. Cui responsum fuit a facultate, quod facultas vellet differre locacionem domus usque ad festum sancti Iacobi516 propter varietatem monete tunc concurrentis, ne facultas gravaretur in convencione vel prenominatus Mag. Conradus de Mildorf, sicut anno precedenti facultas sensit se gravatam propter monete mutacionem, quia pro 11 flor. recepit 11 libr. den., et 7 libr. de eadem pecunia dabantur Georio, antiquo bedello, pro 2 flor. Ungaricalibus de anno precedenti.517

Item birga facultatis medicine fuit data decano facultatis eiusdem cum consensu aliorum doctorum omnium facultatum protunc et de consensu et voluntate eorum fuit, quod decanus facultatis prescripte deberet eam habere postea semper in commenda et potestate. Item eodem die dedi 14 den. pro vino. [fol. 47v]

Item bedellus facultatis medicine fuit presentatus domino rectori universitatis a decano facultatis prefate; qui primo fuit intitulatus et incorporatus matricule universitatis, postea fecit juramentum domino rectori et decano ad servandum statuta universitatis die 21. mensis Aprilis.518