[17. Mai 1465] 17. die Maii, facta congregacione facultatis in singulis doctoribus facultatis super articulo ad audiendum responsum appotecariorum ad articulos eis pro facultatem presentatos et ad deliberandum, quid amplius in ea causa expediat. Ubi ad eandem horam omnes appotecarii eciam vocati fuerunt, sed tantum quatuor ex eis comparuerunt, videlicet Udalricus Vogler, Iohannes Entel, Martinus et Conradus in domo Vincencii quondam602 in fossato. Qui predicti quatuor se obligaverunt articulos conceptos ut in actis precedentis deconatus [sic!] ad repellendum empericos inviolabiliter conservare, dempto illo articulo, qui canit: Ceterum persuadet vobis facultas; ubi facultas eis condescendit ad non observanciam illius articuli et suis conscienciis reliquit. [fol. 60r]

Eodem die ut supra conclusit eciam facultas, quod nullus doctorum facultatis nostre aut per facultatem ad practicandum admissus scribat alicui appotecario foventi empericos aut per se practicanti sub pena expressata in actis precedentis decanatus ibi: Quod si aliquod suppositorum sive doctorum, minimus aut maximus, contra hoc facere contravenerit etc. Obligavit se eciam protunc tota facultas fidelem facere assistenciam hiis supradictis quatuor appotecariis et eciam aliis, qui expost se facultati consimiliter conformarent juxta tenorem articulorum in actis precedentibus contentorum et eciam vigore littere imperialis, ubi facultas est privilegiata etc.603