[4. August 1468] Item feria quinta post Steffani congregata fuit universitas in doctoribus et magistris per juramentum propter causam vergentem inter facultatem medicine ex parte una et Mag. Haynricum Hacker ex parte altera, et adductis multis conclusionibus et racionibus contra Hacker et specialiter una conclusione universitatis, contenta in primo libro actorum que edita est 1391. et est talis: ,Item in congregacione universitatis, quod per amplius nullus practicet in medicinis, nisi doctor, licenciatus vel baccalarius de favore et consensu sui doctoris'; qua proposicione audita idem Mag. Haynricus petivit terminum, et fuit sibi denegatus per universitatem et maxime propter istam conclusionem, ymo fuit de novo et recenti conclusum per universitatem, quod ipse Mag. Haynricus desistat a practica medicine et omnino non practicet, ob id per penam carceris compellatur, ymo, si opus fuerit, excludatur.650

Item in litera domini episcopi Pathaviensis, videlicet domini Georgii de Hoheloch, continetur, quod nulla personarum fidelium, videlicet et infidelium, cuiuscumque gradus vel sexus fuerit, audeat practicare in tota dyocesi sua et specialiter in opido Wyennensi et in suburbiis suis, nisi sit doctor, licenciatus vel baccalarius, de favore et consensu sui doctoris nostre universitatis. Et per istam literam excluduntur omnes alii doctores medicine aliarum universitatum et hoc sub pena excommunicacionis late sentencie, ut cavetur in litera prelibata. Ymo ista litera iam confirmata est per dominum nostrum graciosum et directorem nostre universitatis, videlicet dominum Udalricum episcopum Pathaviensem, dyocesanum nostrum graciosum; protunc non fuit confirmata, sed postea.651 [fol. 68v]652

[1468/ 1469]