Universitätsarchiv Wien, Cod. Med 1.2 AFM 1436-1501
[26. Jänner 1439] Item die 26. mensis Ianuarii congregata fuit facultas ad deliberandum super articulo isto: Ad audiendum supplicacionem trium magistrorum arcium, baccalariorum medicine facultatis petere volencium, ut ad examen pro gradu licencie in medicina presentarentur, et erant isti: Mag. Liebhardus Swalb105, Mag. Procopius de Wratislavia106 et Mag. Hunoldus107. De isto articulo conclusum fuit tunc per facultatem plene congregatam, quod Mag. Procopius et Mag. Hunoldus essent simpliciter admittendi ad examen pro licencia et si reperti sufficientes, tunc eciam ad licenciam et doctoratum essent simpliciter sine condicione admissi; sed de Mag. Liebhardo conclusum fuit, quod dumtaxat ad licenciam esset admittendus, si et in quantum in examine compertus fuerit sufficiens, sed ad doctoratum nullomodo deberet admitti108, nisi prius per fide dignas personas incautaret facultatem, quod haberet statum pro honore doctoratus condignum.109
Item Mag. Procopius dedit facultati 2 flor.
Item Mag. Liebhardus Swalb dedit facultati 2 flor.
Item Mag. Hunoldus Pletenberchk dedit facultati 2 flor.
Item Mag. Iohannes Pawngartner exsolvit facultati 4 libr. den.110
Nota exposita in decanatu meo111:
Item in prima congregacione 14 den. pro vino et 1 den. pro pane; summa 15 den.
Item pro stabulo in domo facultatis reformando exposui 5 libr. den. presente domino doctore Mag. Petro Wolczyan, quod ita conductum fuit. [fol. 8v] Item fovea ductus112 aquarum conducta fuit pro 4 libr. et media, quas exsolvi presente iterum Mag. Petro Wolczyan, ad quem reffero me. Item postea feci reformare unum pavimentum in stabulo et gradum in ascensu circa stubam inferiorem et pavimentum ibidem et alium gradum et certos defectus in tecto et presepia in stabulo et scalas, pro quibus singulis exposui hec: Item primo pro lignis10 sol. et 11 den. Item vectori lignorum de Danubio 32 den. Item pro clavis ferreis 27 den. Item carpentariis pro suis laboribus pro precio pro illis laboribus singulis 7 sol. 14 den. Item pro laborantibus cespites in ortulo et deportantibus sabulum eiectum de fovea ad curiam et stabulum et alia necessaria loca 82 den. Item purgantibus fontem et reformantibus eundem 74 den.113
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
