[22. Juli 1475] Item 22. die mensis Iulii in die sancte Marie Magdalene fuit facultas congregata in stuba domus eiusdem facultatis medicine ad deliberandum super articulis infrascriptis, quid expediat. Primus articulus fuit pro locacione domus facultatis medicine, et fuit protunc domus locata arcium et medicine doctori, Mag. Hermanno Haym de Rotenburga, istius mutacionis decano, pro 9 flor. Ungaricalibus solvendis per duas mutaciones, medietatem videlicet ad festum sancti Georii et alteram medietatem ad festum sancti Michahelis, et omnia, que expressa sunt folio 61, observet.

Secundus fuit ex750 parte unius baccalarii Cracoviensis universitatis, cuius nomen fuit Iohannes de Münsterberg, in astronomia instructus [sic!], et scivit751 [fol. 79v]752 practicare eclipses solis et Iune; ille inobediens fuit facultati medicine in hoc, quod voluit publice portare birretum et audire a doctoribus lecciones ordinarias. Fuit in congregacione finaliter conclusum, quod deberet adhuc pie informari, quod servaret consuetudines universitatis nostre et facultatis et non deferret birretum; quod factum fuit per Mag. Bernhardum, rectorem protunc scole ad sanctum Steffanum, qui a decano facultatis medicine rogatus fuit, ex quo sibi fuit multum coniunctus, ut informaret eum, quod amplius dimitteret birretum et deferret aliam tecturam decentem, et si vellet gaudere in posterum promocione, quod deferret secum ad lecciones librum et quod decanus facultatis medicine suaderet sibi, quod faceret. Responsum dedit idem baccalarius Mag. Bernhardo, quod vellet in se deliberare, quid esset facturus. Sic hodie in se deliberat nec dimittit753; consideret ergo facultas eius rebellionem pro temporibus futuris.754

Tercius articulus fuit ex parte cuiusdam mulieris de Swesvia practicantis hic, que fuit inhabitata aput Scotos, et facultas pro ea nichil conclusit, quia fuit protunc in balneo naturali et dicebatur, quod, postquam veniret, judex civitatis vellet eam capere.755