[31. Mai 1440] Item die ultima mensis Maii congregata fuit facultas medicine ad expediendum articulos subscriptos: Primus ad cogitandum de locacione domus facultatis, quam plures libenter convenirent, et ad deliberandum, quid expediat. Placuit facultati, quod domus [fol. 10v]140 facultatis ista vice locetur domino Iohanni de Aych, decretorum doctori, ista adiecta condicione, quod parvos defectus circa fornacem et huiusmodi de peccunia propria faciat, et ita factum est.141 Et dominus Iohannes Rinensis, qui convenerat domum ex parte pretacti domini doctoris, dedit mihi 3 libr. den. 3 sol. et 12 den. ex parte census de medio anno transacto et residuum dixit se exposuisse pro reformacione certorum defectuum domus, et de eadem peccunia dedi pedello libr. 1 den. pro solario suo.142

Secundus articulus fuit ad deliberandum de certis defectibus domus facultatis medicine et tercius articulus ad cogitandum, quid expediat fieri cum libris facultatis extra cistam existentibus non concathenatis. Et placuit facultati de ambobus dari deputatos et deputavit dominos doctores, videlicet Mag. Michaelem Schrik, Mag. Iohannem Zeller et Mag. Iohannem Swendin, ut illos defectus respiciant et libros maiores ad longam cistam reponant et alios ad cistam maiorem recludant et quod claves presententur decano.143

[1440/ 1441]