Current repository:
Universitätsarchiv Wien, Cod. Med 1.2 AFM 1436-1501
[13. Oktober 1497] Consensu omnium in concione solita doctorum anno nostre salutis 1497., die divi Colomanni, Bartholomeus Steber, arcium et medicine doctor, in decanum eligitur medice facultatis, in cuius decanatu 19. Novembris, alias die Elizabet, venerabilis ac discretus:
93. Iohannes Kuerrendorffer de Parreytt huic nostre facultati ascriptus est scholaris, prius liberalium arcium baccalarius; dedit 4 gross.967
Iste dominus Iohannes Kuerrendorffer alias Korendorfer in nostro Viennensi gymnasio postquam preclaro doctori domino Bartholomeo Steber aliquot annis fidelissime esset famulatus968, adepto in medica facultate baccalariatu, Carinthiam petivit, ubi medicam artem multis opem et salutem afferendo laudabiliter exercuit. Deinde Italiam petivit969 et in Bononiensi gymnasio doctoralibus insignibus non sine gloria susceptis Viennam rediit, ubi omnibus et singulis doctis percharus, precipua tamen familiaritate junctus preclaris viris domino doctori Ioanne Enczianer, domino doctori Iudoco Puechamer, domino doctori Georgio Tansteter et doctori Matthie Gasser, cum quibus, dum vix ad unius anni spacium integerrimam vitam duxisset, tandem e vivis non sine multorum lamentatione immature excessit. Cuius anima dulci Christi Salvatoris nostri presentia eternaliter frui mereatur. Amen.970 [fol. 126v]
[1498/ 1499]
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
