[27. Dezember 1498] Item 27. die mensis Decembris congregata fuit facultas ad recipiendum campotum [sic!] fere ad tres annos suspensum ab omnibus doctoribus, sed propter absenciam doctoris Ioannis Tichtel, qui maxime interesse habuisset, nichil campotatum fuit. Conclusit tamen facultas tunc, ut decanus rectorem visitaret [et] illa sic acta proponeret peteretque, quatenus omnes doctores medicine facultatis vocaret et sic presente rectore campotus fieret sine disturbio. Illud mandatum ego decanus mox eodem die, ut facultati placuit, exsecutus sum.