Universitätsarchiv Wien, Cod. Med 1.2 AFM 1436-1501
[1. Jänner 1499] Item 1. die Iannarii congregata fuit facultas ad audiendum Mag. Iohannem Burger, quid in negocio commisso ab universitate nomine facultatis expediverit. Hic idem Mag. Iohannes Burger litteras ad dominos regentes, quas a Maiestate regia attulit, facultati presentavit. Conclusit facultas, ut Mag. Wartholomeus Steber congregacione finita predicto Mag. Iohanni iterum presentaret peteretque, quatenus illas universitatis rectori presentaret.
Secundo conclusit, ut Mag. Wartholomeus Steber et decanus facultatis rectorem visitarent informarentque de singulis in hoc negocio contento in litteris missis a regia Maiestate; facultatem econtra commendarent sue magnifficencie etc.
Tercio placuit facultati, ut domino rectori munus fferarum et confectionum in valore 1 libr. den. propinaretur; quod factum est etc.972 Reliquam pecuniam a me perceptam decano sequenti in presencia facultatis in profesto Valeriani presentavi 1499. Item dominus doctor Tichtel facultati exsolvit censum, quem obligabatur Ioannes Cuspinianus, poeta laureatus, per annum pro censu facultatis 1499. [fol. 127r]973
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
