Universitätsarchiv Wien, UAW Cod. Med 1.3 AFM 1490-1558
[10. November 1506] Anno Domini 1506, decima Novembris, que erat vigilia sancti Martini, suscepi decanatum nostre facultatis ego Wilhelmus Puelinger, arcium et medicine doctor.
Eodem die doctor Iohannes Newman tanquam vicedecanus fecit computum loco doctoris Iohannis Cuspiniani; quia autem de pecunia mihi aliquid deesse videbatur, inclusimus ad unam bursam sub signeto doctoris Neuman pecuniam totam usque ad alium computum complete fiendum per ambos doctores.
Preterea idem doctor Iohannes Neuman computabat exposita sua pro structura domus, quem computum quoque suspendi ad adventum aliorum doctorum et presenciam.
De clave prestanda ad archam doctori Iohanni Wisinger conclusum est, quod non assignetur ex causis facultatem moventibus et solo Consistorio detegendis, et ne universitas per hoc detrimentum paciatur, vult per decanum suum aut seniorem semper aperire. Et facultas vocata ad Consistorium prefati rectoris occasione clavis dedit pro bono pacis clavem ad manus Consistorii, ita ut esset immunis ab omni suspicione et damno possibiliter emergente, de quo eciam solemniter in Consistorio decanus pro tunc fecit protestacionem.259
Exposui eodem die 13 den. pro vino.
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
