Universitätsarchiv Wien, UAW Cod. Med 1.3 AFM 1490-1558
[4. November 1515] Quarto die Novembris prefatus Mag. Ioannes Winzelhawßer, medicine baccalarius, presentatus fuit vicecancellario sub pulsu vesperarum, et cancellaria prolicencia aperta, dies Crastinus sequens, scilicet quintus eiusdem mensis, pro examine ad licenciam assignatus est.
Die quinto prescripto, punctis duobus, ut moris est, sub pulsu primarum mane assignatis, prefatus Mag. Ioannes post meridiem examinatus est, et voto omnium doctorum, qui tunc presentes erant — doctor Simon Lazius, decanus et vicecancellarius, doctor Ioannes Newman, doctor Wilhelmus Puelinger, doctor Ioannes Prutenus, doctor Ioannes Entzianer, doctor Iodocus Puchaymer, doctor Georgius Tanstetter, doctor Ioannes Gastgeb; at doctor Ioannes Pylhamer non interfuit examini, quia in practicacum quodam domino erat, at sibi data fuit portio sua; Doctor Ioannes Cuspinianus411, Cesaree Maiestatis consiliarius et Vienne in senatu locumtenens, examini non interfuit etnihil accepit — admissus est et idoneus ad licenciam pronunciatus.
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
