[11. August 1516] Feria secunda tandem post Laurenti tota facultas splendide in habitibus suis honestis coram regimine cum procuratore, videlicet domino doctore Tanhawser433, apparuit, qui procurator petivit, ut Cesareum privilegium facultati concessum manuteneatur cum supplicacione quadam exhibita, presentibus quatuor dominis de consulatu. Que supplicacio non fuit protunc lecta neque aliqua honesta responsio facultati data, nisi quod pro tempore velint supplicacionem perlegere et tandem dare super hoc decretum. Forma supplicacionis imposite sequitur:434

Hochwirdig wolgeboren hochgelert gestreng edl vest genadig herren unser gehorsam willig dinst allzeyt bevor. Genadig herren. Nachdem wir vernomen, das eur genad wider unser erlangt geschafft bey ainem ersamen rat zu Wienn der yetz herkumen artztin halben und ander ungelerten artzt ainen entschied an herren burgermaister und gantzen rat hie zu Wienn kuertzlichn ausgen hat lassen dergestallt, das gemelte artztin den leuten ertzney geben mage, auch in die appotekn schreyben in laut eur genaden entschied, geben wir eur genaden darauf genadiklich zu verneinen, nachdem uns solicher entschied swer und unträglich ist, auch wider kaiserlich privilegi, des copey wir yetz mit einlegen, bitten wir eur genaden, nachdem sy sich beruembt, sy sey durch herren vitztumb auf ir kayserlich brief, die sy unser facultet nye zaygen hat wellen, zu der practikn und handlung anfankhlich angelassen mit gesparter warhayt, als sich her vitztumb selber vor unsern gesambten decan und doctorn, auch zwayer herren des rats berett hat, auch wie sy von niemants gelt nem, biß er gesundt werd, und schreyb formlich in dy appotekn wie ain ander doctor, das alles435nichts und gantz fellig ist mitsambt allem irn thuen und handlung, aus welhem die herren burgermaister und gantzer rat bewegt sein worden, ir die practikn abzeschaffen: bitten, eur genaden welle uns bey kaiserlicher Maiestet freyhayt handthalten, daran dan eur genaden und ainem ersamen rat handthabung geboten wirdet und durch kainerlay geschafft davon dringen.

Eur genaden436 undertanig decan und doctores der facultet der ertzney.