[7. Oktober 1517] 7. Octobris celebravit dominus rector consistorium et vocavit omnes sub pena excommunicacionis. Fuit articulus, quod deputarentur de facto, qui exituri essent adCesaream Maiestatem propter aggravamina universitatis. Fuerunt deputati ex facultate theoloica doctor Ioannes Trapp, doctor Georgius Lansch, doctor Cristofforus Külber, doctor Valentinus Kreler; ex facultate iuridica doctor Udalricus Kauffman, decanus protunc facultatis, doctor Angrer ordinarius, doctor Fridericus et doctor Victor Gampp; ex facultate medica doctor Ioannes Pilhamer, qui erat decanus, doctor Ioannes Newman, doctor Wilhelmus Pwlinger et doctor Simon Lacz; ex facultate artistica Mag. Martinus Edlinger decanus, Mag. Rupertus Hödel, Ambrosius Salczer, Achacius Peham, Sebastianus Bunderlin etc. Illis omnibus demandatum fuit sub pena excommunicacionis late sentencie, nam dominus rector neminem potuit habere preter suum consistorium sibi assistentem, nisi compulsum, propterea venerabile consistorium simul cura aliis dominis, qui gratia consilii vocati fuerunt, conclusit et libertatem rectori dedit, quod unumquemque vocaret sub illa pena. Exiverunt omnes ad Termas ad Cesaream Maiestatem 9. Octobris, habuerunt audienciam eo die infra sextam et septimam horam noctis; reversi sunt452sequenti die ad Wiennam. [fol. 76v]