[22. Jänner 1526] Anno ut supra, 22. mensis Ianuarii, rector universitatis doctor Cristofforus Kulber ex Grez congregacionem universitatis habuit, ubi proposuit scripturas doctoris Pauli de Oberstain, cancellarii universitatis, unam facultati theologorum et Mag. Albino Athesino, eiusdem facultatis licenciato, alteram facultati iuridice et duobus protunclicenciatis eiusdem facultatis sub eodem tenore verborum missas, petens desuper consuli et, quid faciendum videretur universitati, decerni. Ubi tres facultates, puta iurisperitorum, medicorum et artistarum unanimiter concluserunt, quod universitas maneat in suis consuetudinibus et vetustis ritibus in creando doctores et dando eisdem insignia seque adversus cancellarium prescripcione tucatur, ubi ipse adnitebatur, ut nomine suo et auctoritate conferrerentur doctoribus insignia. Insuper has scripturas cancellarii facultates, quas negocium protunc contingebat, dominis deregimine commonstrarunt, ubi regimen inhibuit cancellarium sub penis, ne in ea re universitatem seu facultates molestet, sed sinat eas iuxta ritus suos et consuetudines permanere. Creati itaque sunt doctores more hactenus observato, puta presidens doctor contulit illis insignia iuxta prescriptam consuetudinem auctoritate579propria et non cancellarii. Item facultas theologica in eadem congregacione a conclusis aliarum facultatum dissensit, attamen tandem pedibus et manibus in sentenciam aliarum facultatum580concessit etc.

Copia scripture misse a cancellario universitatis facultatibus predictisin forma581sequitur:582.

Super propositis domini rectoris in eadem congregacione facultas consulit in hunc modum: Primo, quod non obstantibus quibuscumque protestacionibus aut scripturis oblatis aut offerendis, quelibet facultatum procedat cum suis promovendis iuxta antiquas et laudabilesconsuetudines. [fol. 101r]

Secundo, quia facultas vehementer timet in actu proximo habendo novum insultum et turbacionem prepositi, quod universitas vel rector mittat certos prudentes viros ad dominos de regimine cum zedula domino Mag. Albino Grefinger missa, et petatur, ut de novo preposito demandetur, ut facultates in earum possessionibus non turbet neque molestet, et facta est seriosa inhibicio domino preposito per dominos de regimine, et facultates cum summo honore et tranquilitate perfecerunt suos actus in ecclesia divi Steffani.

Item ad illum actum solemnem neque ad actum neque ad prandium dominus prepositus fuit invitatus. Item huic actui interfuerunt tres ex regimine, maior pars civium et magna copia doctorum omnium facultatum et aliorum optimorum virorum.

Facto calculo in presencia facultatis remanserunt in perceptis ultra exposita 1 libr. den. 2 sol. 6 den., statim presentata sunt decano sequenti etc. [fol. 101 v]583

Decanatus tercius doctoris Simonis Lazii.584