[27. Mai 1527] Item die 27. Maii habita est congregatio facultatis, ubi inter alia propositum est de difficultate, quam faciebat rector de domo, quam inhabitat famulus facultatis; ubi concepta est responsio, quam decanus pronunciavit ad acta Consistorii. Item supplicatio porrecta est civibus cum annotatis personis, qui contra privilegia facultatis practicarunt.

Item in hoc decanatu electus est unanimi voto in pedellum facultatis Iodocus N. et per rectorem et Consistorium confirmatus.

Item Mag. Pongratius Iorum barbitonsor petiit a facultate admitti ad practicam cirurgie, qui per deputatos doctores et a decano examinatus et admissus est, dateque sunt ei littere testimoniales, quarum copie sunt cum actis, pro quibus solvit facultati duos ducatos, idest 3 flor., de quibus exposui:

Inprimis pedello 12 sol. den.

Item in die sanctorum Cosme et Damiani 1 sol. 2 den.

Item pro scribendis mandatis funeralibus tribus 24 den.

Item domino notario, qui collationavit privilegium, 24 den.

Item in tribus congregationibus et pro Mag. Pongratio duabus convocationibus deputatorum, pro vino et fructibus 20 cruc.

Item in die Colomanni quando clarissimus dominus doctor Puelinger est in decanum electus, pro vino et fructibus 48 den.

Item in corona defuerunt 16 den., ita quod facultas mihi per residuum deberet 44 nummos, quos facultati remitto etc. [fol. 106r]602

[1527/ 1528]

Decanatus octavus doctoris Vuilhelmi Puelinger603.