[29. Oktober 1535] Octobris 29. prima habita est apud me dominorum doctorum facultatis congregacio, et ad comparendum vocatus est Martinus, item et Vitus barbitonsores. Martinus quidem comparuit, Vitus autem minime. Martino, si opera prosequi cyrurgica vellet, in spacio dierum octo, nam idmet petebat, examinacioni doctorum et idoneorum cyrurgicorum ut se pararet et submitteret, iniungitur; quam iustam racionem ignoranciae conscius declinavit. Opera verum phisica, quibus temere quoque sese commiserat, sibi inhibita sunt, ne vel in myropoliis vel eciam domi suae cum katarticis attentaret quicquam.

De contumacia Viti dominus senior doctor Enczianer et ego, doctori Pilhamer710, qui tum civium magister fuit, ex doctorum decreto conquesti sumus, sed [cum]facultati et publicae quoque utilitati atque infensus nobilissimae professioni esset, frigide et negligenter immo nihil hac in parte patrocinatus est vel consuluit.

Eodem tempore Regia Maiestas commissionem facultati fecit de pestifero afflatu prospiciendo, nam levicula admodum a vicinis pocius populariter grassantis morbi emergebat suspicio, quare pro dicta Regia commissione agitatum est et conclusum, ut doctor Fabri Rhetus et Regiae Maiestati vel commissariis responderet, periculosum esse, huius morbi territum alias populum commonefacere, quod nonnumquam mali praeberet causam, tum etiam temporis frigida constitucio melius quiddam nobis promitteret. Quare de intimacionibus et aliis consulcius supersedendum esse. Quae racio approbata, sed responsio pro forma hic inclusa videri poterit.711[fol. 126r]712