Universitätsarchiv Wien, UAW Cod. Med 1.3 AFM 1490-1558
[19. August 1503] Sabato ante Bartholomei, que erat 19. mensis Augusti, convocacio habita est doctorum super articulis sequentibus194:
Ad deliberandum, quid pro manutuicione privilegii nostri sit agendum;
ad consulendum super quadam domus nostre necessaria reformacione;
ad audiendum doctorem Newman quedam proponere volentem;
ad audiendum quedam per decanum proponenda. [fol. 29v]195
Conclusum in has formas196:
Quod mittantur littere sub sigillo facultatis ad dominum Capitaneum dominum Wolfgangum de Polhaim et alios Regentes in Linntz cum inclusa suplicacione ad impetrandum commissarios in causa civium volencium trahere ad se de facto personas doctorum contra conclusum nominatorum civium, wulgariter “die genanten", qui concluserunt doctores medicine admitti ad iura civium, introducendi videlicet, vendendi et ducillandi vina sua, et quod cum personis suis subessent rectori et non prestarent civile iuramentum civibus neque fierent cives. Et facultas nominavit pro commissariis dominum cancellarium Georgium Neideckher, Waltherum de Andelo, anbaldum, licenciatum Gwarlich et doctorem Schrötel, qui deberent finaliter de iure discutere, quem iudicem deberent medici agnoscere et quantum possent privilegia suffragari.
Secundo fuit conclusum, quod fiat reformacio in necessariis domus per decanum, et dominus doctor Neuman mutacione estivali solvat iuxta locacionem censum, et certificet infra 15 dies decanum, si velit ea condicione futuro tempore servare domum.
Tercio conclusit facultas, quod in suplicacione porrigenda Regentibus inseratur doctor Wilhelmus tunc decanus, allegando gravamen suum cum civibus volentibus eum fieri civem aut non admitti ad gueram domus et alia iura etc.
Quarto mencio facta fuit ex parte Mag. Iohannis Pielhamer et conventoris in Goldperg de eorum singulari protervia et de lectorio medicorum. Et fuit conclusum, quod magistri ad verbum ponantur, et secundo, quod nulli de facultate arcium sine speciali venia aperiatur lectorium, ut possit ibi vel inchoare vel continuare lectiones suas.
Dedi pedello 26 den.197
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
