Universitätsarchiv Wien, UAW Cod. Med 1.3 AFM 1490-1558
[14. Februar 1558] Quinta congregatio die 14. Februarii. Petiit Mag. Andreas Dadius admitti ad examen pro gradu licentiae et doctoratus, cumque satis notum esset, eum [per]octennium fuisse diligentem auditorem professorum artis medicae ac bis disputasse, domini doctores benigne consenserunt. Ideo statim post congregationem fuit praesentatus domino cancellario universitatis, ubi aper [fol. 199r] ta cancellaria, ut loquuntur, duo ei puncta, ut moris est, assignata fuere per sortem. Quae in sexta congregatione, sequenti nimirum die, enarravit et ad obiectiones apte respondit. Quare omnium votis approbatus est et dignus iudicatus titulo doctoris, quo nomine statim domino cancellario, qui et ipse examini interfuit, commendatus est, tum ut ei facultatis iudicium significaret scripto solito, tum ut licentiae gradum postea ei conferret.
- Acta Facultatis Medicae Universitatis Vindobonensis Vol. 3, Karl Schrauf, 1904
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
