[2. Mai 1558] Prima congregatio celebrata est in hoc meo decanatu secunda die Mai propter decretum eccelsi regiminis, in quo facultati iniungebatur, ut ad supplicationem aromatariorum omnes doctores propria nomina et cognomina sua manu subscriberent, quoniam aromatarii retulerunt ad eccelsum regimen, facultatem esse parcialem et senioribus pro maiori parte de data nostra informatione nihil constare. Congregatis igitur omnibus doctoribus, relationem eccelsi regiminis exhibendam, littera A signatam, in libellum redegi et communi doctorum consilio ac decreto pro more et consuetudine nostrae facultatis omnibus legendam transmisi, verum varie eorum erant sententiae; alii odiosum, alii vero scabiosum affirmabant1027, id quod ex iam dicto libello videri potest.1028

Secundo tamen alium libellum, littera Bsignatum, dominis doctoribus legendum transmisi. Qui, cum communi omnium consensu approbatus esset, statim eccelso regimini praesentatus est cum cuiusque doctoris propria manu, nomine et cognomine subscripto. [fol. 201r] In eadem prima congregacione ex pluralitate votorum dominorum doctorum ac etiam omnium consensu mihi iniunctum erat, ut omnium doctorum facultatis medice, qui in hac causa contra aromatariorum libellum excelsi regiminis oblatum erant noti, scripta manu propria describere mandarem ob nonnullorum dominorum doctorumabsentiam, et ut paria scripta eorundem1029in facultate manerent. Quod statim factum est, ut libellus ordine habet.

Mag. Georgius Walterus dedit nomen suum in matriculam facultatis. Dedit 2 sol.