[20. August 1504] Feria itaque tercia post Assumpcionis Marie iterum conventio facta est doctorum ad videndum supplicacionem, et quomodo vel quando sit civibus presentanda. Conclusum est, quod decanus convocet omnes doctores de facultate medica ad feriam quintum sequentem, ita quod eadem die omnes in capella beate Virginis, wulgariter zu sand Ottnhaym, compareant ad presentandum civibus supplicacionem, et quicumque se absentaverit sine legittima causa, actu pro excluso a consilio facultatis censeri debet.

Item in eadem conventione conclusum est, quod nullus doctorum intromittat se ad curandum aliquem, qui prius est conventus per aliquem doctorem, nisi idem doctor sit prius honeste a paciente absolutus, sub pena exclusionis, et in hoc affirmat facultas et renovat precedentemconclusionem.229

Item prescripta supplicacio est itaque presentata per omnes doctores protunc de facultate medica, quadam collacione prehabita, que facta est per dominum doctorem Iohannem Newman protunc decanum; ceteri doctores mihi astantes fuerunt isti: doctor Martinus Stainpeis ex Vienna, doctor Bartholomeus Staber ex Vienna, doctor Ioannes Markhwart, doctor Iohannes Cuspinianus,doctor Wilhelmus Puelinger ex Patavia; et pro tunc cives nihil responderunt, sed fecerunt nos abire. Tandem sollicitavi una cum doctore Wilhelmo mihi adiuncto circa magistrum civium pro responsione; dicebat, quod adproximum diem consiliidaremus unam cedulam ad consilium, quod feci; sed quia protunc pauci cives fuerunt, ibidem nihil in ea re tractaverunt, et sic pendet aduc negotium hoc.