[13. Oktober 1505] Anno Domini 1505, in festivitate divi martiris Collomanni, electus est Mag. Iohannes Marckart ex Haillprunna, medicine doctor, in decanum facultatis medice, cui die eadem sceptrum, ladula et reliqua presentari solita presentata sunt a decano antecedentidomino doctore Bartholomeo Staber, qui eciam tunc de receptis atque nomine facultatis expositis legittimam racionem faciens, obligatus remansit facultati 4 libr. den. 7 sol. 2den., que in continenti solvit decano electo, scilicet Mag. Iohanni Marckart.

Eadem die fecit rationem doctor Iohannes Neuman de expositis quibusdam pro reformatione domus, qui ultra ea, que exposuit, obligabatur propter censum 1 libr. 6 sol. 2 den., que electo solvit seu dedit decano ad reponendum ad reliquam facultatis peccuniam.

Eadem insuper diedecanus electus solvit pedello facultatis 12 sol. den., quos obligabatursibi facultas de sallario deservito per mutationem estivalem, et 2 cruc., quos dedit pro fructibus dominisdoctoribus.