[14. April 1563] VI. Congreg. Die 14. Aprilis, qui dies destinatus erat resignationis, primo Doctor Laurentius Cimmerius petivit admitti ad consilia facultatis, id quod obtinuit. Solvit 6 sol. Deinde facta resignatione electus est in decanum clarissimus vir dnos Doctor Andreas Dadius publicus professor. Laus Deo. [fol. 49r]

Sequuntur rationes154 concernentes aerarium facultatis.

Percepta:

A Magistro Widmanno 2 sol.

A Ludovico Marchpegio ratione inscriptionis 2 sol.

A Magisto Folchero ratione inscriptionis 4 sol.

A Doctore Brandeside pro facultate in examine doctoratus 3 flor., nam pecunia examinatorum divisa est.

A Ludovico Marchpegio pro gradu baccalaureatus 1 flor. 2 sol.; pecunia examinatorum divisa est.

A Doctore Laurentio Cimmerio pro admissione ad consilia 6 sol.

A Doctore Benjamin pro admissione ad consilia 6 sol.

A praecedente dno decano Doctore Reisachero 11 flor. 3 sol. 16 num.

Exposita:

Duobus pedellis salaria 2 flor. 2 sol. 4 num.

Pro pane et vino 2 sol.

Restant igitur: 15 flor. 5 sol. 12 num.

Rationes concernentes pecuniam inter doctores dividendam.

Percepta: A balneatore Martino Raisman pro examine 3 flor. Joannes Brandesides pro gradu doctoratus examinatoribus155 12 flor., sed haec pecunia statim inter praesentes divisa est.

Exposita:

De tribus aureis a balneatore numeratis dedi D. Doctori Spitaler et Paulo Weidnero 2 flor.

prout habet conclusio facultatis in V. congregatione.

Item in decanatu Doctoris Reisacher in septima congregatione divisa fuit pecunia examinatorum de examine baccalaurei Cimmerii. Cum vero et ego justas ob causas absentiam excusare possim, nam eo die tanquam rector habebam audientiam inter partes, insuper ad congregationem mihi non fuerat indicatum. Cedunt mihi tres sol. Restant 5 sol. [fol. 49v]156

Decanatus secundus Doctoris Andreae Dadii alias Kyenpaum Belgae anno 64.157