Universitätsarchiv Wien, UAW Cod. Med 1.4 AFM 1558-1605
[23. September 1596] 23. Septembris in congregatione concludebatur, ut Jacobo Thiel medicinae studioso, qui est magis indigens, stipendium Emericanum conferretur.[fol. 371v] Nam praeter hunc alii duo medicinae studiosi alter Mag. Abrahamus Piscator, alter Martinus Kolsdorfius instabant.
In hac congregatione D. D. Johannes Bitner aphor. 4. sect. 2 Hippocratis sorte sibi eligebat pro repetitionis actu celebrando. Nihilominus oretenus petenti denuo D. D. Martino Cutigio, ut qui prius obtulerat supplicem libellum, dabatur potestas prius disputandi suum aphorismum, qui 24. Septembris sequenti die ipsi assignabatur.
Deinde visum fuit etiam dominis doctoribus facultatis, ut D. D. Pisellus tertio loco pro repetitione disputaret, quia domini doctores Cutigius et Bitnerus ambo suos libellos supplices citius facultati exhibuerant.
Conclusum praeterea fuit in hac congregatione, ut simul omnes tres denominati domini doctores post punctorum assignationem, comitante eos D. D. Petro Magno, universitatis cancellario, pro praestando solito juramento praesentarentur.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
