[12. Februar 1602] Die 12. Februarii habita est congregatio. Lectus est libellus supplex eadem die mihi oblatus a balneatoribus, quo conquerebantur, ipsos negligi in vena sectionibus et aliis chirurgicis ministeriis atque tantum vocarentur barbitonsores. Voluit facultas respondendum, fortassis doctores extra facultatem hoc facere nos eorum querela velle rationem habere.

Decretum etiam est, ut in posterum decanus758 et magister sanitatis examinent inspectores infectorum, quemadmodum erat factum paulo antequam doctores omnes convenirent a me et D. Pirbachio de Abrahamo Lochner, qui fuit inventus valde mediocris injunctumque fuit, in casibus dubiis consulat magistrum sanitatis. De qua re dedi ego simplex rescriptum ad consulem et senatum. Solvit pro examine 1 flor. Deinde concessum est stipendium praedicto supplicanti, modo examinatus a superintendentibus praesentetur facultati, nec in posterum dandam esse spem ulli petenti, antequam vacet stipendium.

Deinde examinandos esse novos apothecarios ante visitationem et examinandum primo, qui primo supplicabit; antidotarium revidendum, ut cudatur et professores praesentent revisum facultati. Provisores apothecarum examinandos cum rescripto decani sed non cum testimonio. Quod si petierint, solvant 2 flor. et medium.

Lecta sunt acta D. D. Magni exdecani et permissum, ut referantur in acta. Protestatus est etiam D. Magnus, quod non teneatur reddere rationem administratae pecuniae Emericanae, quia D. Leander administraverit, quo modo non adhuc constat. Quae protestatio non fuit admissa, sed quia venerabili consistorio fuit facta, facultas expectabit, quid [fol. 415v] venerabile consistorium decernat.

D. Fabricius aut sui haeredes, ut ostendit D. Pirbachius restat adhuc 512759 flor. 4 sol. 18 num. ex administrata pecunia Emerici.

Lecta sunt demum acta in meo vicedecanatu et approbata, ut in actis scribantur.