Universitätsarchiv Wien, UAW Cod. Med 1.4 AFM 1558-1605
[16. November 1603] Die 16. Novembris Joannes Klele pharmacopoeus supplicavit iterum pro facultate ut supra componendi theriacam, quod quidem per rescriptum dominorum doctorum votorum pluralitate ei concedebatur sed cum conditione si promitteret, inclytae facultatis privilegia et statuta se servaturum prout juravit atque vellet cum reliquis pharmacopoeis tanquam senior inter illos agere, quo illud idem etiam ipsi praestarent.
Hoc audito per me responso praedictus Joannes Klele promisit, se quam primum cum reliquis pharmacopoeis hac de re acturum et rediit sequenti die dicens, se cum illis egisse, illos autem noluisse ejus consilio adhaerere sed velle eorum contra facultatem medicam actionis resolutionem ab excelso regimine expectare atque ideo se pariter ab aliorum pharmacopoeorum voluntate nolle secedere. Unde nec ego visitationem dispensandae ab illo theriacae instituere volui. [fol. 430v]
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
