[28. Jänner 1567] Anno 1567 die 28. Januarii Georgius Adler chirurgus petiit a consule, ut detur sibi potestas secandi aliquod recens cadaver in hospitali civium, an forte causa febris tunc vulgariter grassantis ea sectione indagari possit.

Noluit consul ipsi sine consensu nostrae facultatis id concedere. Responsum est consuli a facultate in hanc fere sententiam:

Quod periti medici non ignorent causam ejus febris, nec opus sit ad eam investigandam anatomia aliqua. Si vero sectio aliqua omnino necessaria foret, poterit illa administrari a medicis sectionis peritis, non demandabitur ejuscemodi chirurgis, qui principia anatomica nunquam degustavere. Eo responso acquievit consul.