Universitätsarchiv Wien, UAW Cod. Med 1.4 AFM 1558-1605
[22. April 1568] XXII. die Aprilis secunda die post electionem rectoris D. D. Widman et D. Cornarius ad consilia et emolumenta facultatis admissi sunt, juramento prius in statutis nostris comprehenso praelecto et ab ipsis praestito. Numeraverant singuli sex solidos.
In eadem congregatione frequenti, propter quod etiam praecedenti die dnos convocavi, resignavi officium decanatus ac communi d. doctorum suffragio pro sequenti semestri electus est clariss. vir D. D. Andreas Dadius. Qui cum decanatum ob certas causas maxime autem ob controversiam facultatis cum Ladislao recipere in se recusaret, victus tandem consensu d. doctorum facultatis, qui etiam in isto negotio Ladislai unum aut alterum ex facultatis doctoribus ad conscribendas scripturas constituebant, eundem in se recepit. [fol. 82v]
Accepi in hoc meo decanatu nomine facultatis triginta quinque florenos sex solidos.
Exposui triginta quatuor florenos, duos solidos, de quibus etiam satisfeci pedello usque ad finem decanatus mei.
Reliquam summam tradidi sequenti domino decano.254
Decanatus quartus Doctoris Andreae Dadii alias Kyenpaum Barlani, in academia professoris ordinarii anno 1568.
- Acta Facultatis Medicae Universitatis Vindobonensis Vol. 4, Leopold Senfelder, 1908
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
