Universitätsarchiv Wien, UAW Cod. Med 1.4 AFM 1558-1605
[28. November 1568] 28. Novembris. Ulricus Mosengal petivit examinari in cura morbi gallici. Ordo requirebat examinatores D. Doctores Ladislaum Stuff, Johannem Aicholtzium, Bart. Reisacher, Andr. Dadium.
Placuit consessui facultatis, ut et d. rector magnificus Casparus Pirpachius et una hujus substitutus apud D. Marcum D. Johannes Neumann vocarentur. Factum est.
Allatum est scriptum ex sacri regiminis senatu (est in arca), quo mandabatur, ut duo doctores eligerentur, qui viderent, rectene judicasset quosdam infectos in hospitali civium, idque fieret clam magistrum sanitatis. Electi et missi D. D. Andreas Dadius, Benjamin Lobschütz, qui neminem repererunt. Erant enim in lazarethum avecti aegri. Id oretenus significavimus adhuc eodem die sub primam facem.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
