[13. August 1569] Verum sequenti die 13. Augusti duo saltem comparuerunt, Gregorius Fecus et Thomas Pregg von Maimingen. Etsi ambo satis imperiti ratione tamen habita necessitatis posteriorem Thomam Preg interim substituendum, donec magis312 idoneus haberi possit, censuit facultas. Id ego consuli et senatui Viennensi scripto significavi et addidi ex sententia facultatis, quod si hunc ad tempus aliquod conducere vel substituere velint ut illi serio injungant, ne quid temere agat, vel attentet, magistro sanitatis obtemperet, quicquid illi desit, non erubescat discere, doceri se sinat.

Eodem die 13. Augusti examinatus Henricus Hoff Mindensis Westfalus in sectionibus herniarum, calculi, vesicae, strumarum et similium tumorum, item in depositione suffusionum in oculis. Qui ex responsis visus est in iis bene exercitatus et dexter prout suae [fol. 135v] operae exhibuit quaque testimonia scripta. Adeo illi decretum testimonium forma solita. Numeravit 3 flor.