Universitätsarchiv Wien, UAW Cod. Med 1.4 AFM 1558-1605
[6. Mai 1570] Congregatio die 6. Maji. Primum ostendi dmnis doctoribus proximum decretum regiminis, qui jusserunt, adhuc eodem die per janitorem regiminis domino consuli offerri et executionis testimonium peti. Id quod factum est et executio ad acta servata.
Deinde exhibui in facultate dispensatorii novi librum per me descriptum, requirens quid jam ulterius agendum sit.
Statuerunt domini, esse concipiendum catalogum omnium simplicium et ingredientium in medicamenta, quae hoc libro continentur, eumque alphabetico sub singulis titulis continuandum, eo fere modo ut Fuxius in methodo compositionis medicamentorum fecit. Deinde hoc catalogo conscripto de succedaneis quorundam peregrinorum deliberandum esse.
Tertio legi in facultate partem actorum decanatus mei praeteriti, sed finiri hac congregatione non poterant.
Postremo domini de facultate diem examinis Mag. Rucardi pro gradu baccalaureatus constituerunt 10. Maji., Mag. Ursino vero 12. diem ejusdem mensis.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
