Universitätsarchiv Wien, UAW Cod. Med 1.4 AFM 1558-1605
[18. Juli 1570] VII. Congregatio die 18. Julii. Lecta sunt scripta, quae ad caesarem et D. Weberum contra Frisium a caesarea majestate restitutionem petere et impetrare conantem, jussu facultatis composui. Quae approbata sunt sed conclusum, differendam esse transmissionem harum literarum, donec etiam de altera causa nostra contra Viennenses aliquid certi habeamus. (Copiae horum scriptorum sunt N° V)
Deinde deliberatum est prolixe de iis, quae proponenda et facultatis nomine agenda essent, postridie in transactione coram regimine instituta. Quae omnia sicut antea in scriptis sunt proposita, ita nunc decano et adjunctis commissariis concredita sunt pro honore et commodo facultatis exequenda. Erant autem deputati tres dmni doctores, qui cum decano in aulam venirent, scilicet dmnus senior D. Spitaller, D. Rei [fol. 165v] sacherus et D. Fabricius, quibus, cum in hac congregatione abfuissent, ex sententia facultatis tale decretum transmissum est:
Inclytae facultatis medicae nomine clariss. dmnis doctoribus D. Michaeli Spitaller, D. Barptolemaeo Reisacher et D. Paulo Fabricio significandum:
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
